നല്ലപാഠം തീം സോങ്

നാവിന്‍ത്തുന്പില്‍

എന്‍റെ പേനത്തുന്പില്‍

വാക്കേ വാ വാ

നേരിന്‍ പടിതുറന്നേ താ

നന്മയും തിന്മയും

ഇഴപിരിച്ചറിയാന്‍

ജ്ഞാനമായ് ബോധമായ്

ഉണരുവാനായി

ദീപ്തിയായ് ശോഭയായ്

തെളിയുവാനായി

വാക്കേ വാ...

കരുണ നിറയും കദനമൊഴിയും

അറിവിനായ്

ഇരുളു മറയും പുലരി വിരിയും

അറിവിനായ്

സ്നേഹമാം ദീപമെരിയും

കോവിലായ് മാറാന്‍

സര്‍വവും ഏകമായ്

ഉയിരിലേറ്റണിയാന്‍

പാരിടം ശാന്തസുന്ദര

വനികയായ് മാറാന്‍

വാക്കേ വാ

അപരനാദം മധുരതരമായ്

കേള്‍ക്കുവാന്‍

പ്രകൃതിയമ്മ അരുളുമമൃതം

നുകരുവാന്‍

ലോകമാം വേദിയില്‍ നാം

തോളുരുമ്മിടാന്‍

കല്ലിലും മുള്ളിലും ആത്മലാവണ്യം

കാണുവാന്‍ അനഘമാം

നല്ലപാഠവുമായ്

വാക്കേ വാ..