വിജയ്‌യും ക്യൂട്ട് വാവയും; വ്യത്യസ്ത വിഡിയോ വൈറൽ
ഇളയദളപതി വിജയ്യുടെ സിനിമകൾ എന്നും ആരാധകർ നെഞ്ചേറ്റിയിട്ടുണ്ട്, അതുപോലെ വിജയ്ക്കും ധാരാളം ആരാധകരുണ്ട്. ആക്ഷൻ ഹീറോയായും റൊമാന്റിക് നായകനായും ആരാധകരെ നേടിയ വിജയ്യുടെ ഒരു വ്യത്യസ്ത വിഡിയോയാണ് ഇപ്പോൾ വൈറലാകുന്നത്.
ഒരു കുഞ്ഞുവാവയെ മടിൽ വച്ചു കൊഞ്ചിക്കുന്ന വിജയ് ആണ് വിഡിയോയിലുള്ളത്. വിജയ്യുടെ കൊഞ്ചിക്കൽ ആസ്വദിച്ചുകൊണ്ട് ആ കുഞ്ഞ് മടിയിൽ ഇരിക്കുന്നത് കാണാം. വിജയ്‌യെത്തന്നെ ഇഷ്ടത്തോടെ നോക്കുന്ന കുഞ്ഞുവാവയ്ക്ക് നെറുകയിൽ നല്ലൊരു മുത്തവും കൊടുക്കുന്നുണ്ട് വിജയ്. ഇളയദളപതിയ്ക്കൊപ്പമുള്ള ആ ക്യൂട്ട് വാവ ആരുടേതാണെന്ന് വ്യക്തമല്ല. ഈ വിഡിയോ സമൂഹമാധ്യമത്തിൽ വൈറലായതോടെ വിജയ്ക്കൊപ്പം കുഞ്ഞുവാവയ്ക്കും ആരാധകരേറിക്കൊണ്ടിരിക്കുകയാണ്.
വിജയ്ക്ക് രണ്ട് കുട്ടികളാണുള്ളത് – ജെസൻ സഞ്ജയും ദിവ്യയും.