ആവശ്യമുള്ള സാധനങ്ങൾ

1. നല്ല മൂത്ത മാങ്ങാ - ഒരെണ്ണം (ഞങ്ങളുടെ നാട്ടിലൊക്കെ ചെനച്ച മാങ്ങാ എന്ന് പറയും; അതായതു പഴുക്കുന്നതിനു തൊട്ടു മുൻപ് ഉൾഭാഗം മഞ്ഞ നിറം ആയി പുളി കുറഞ്ഞു വരുന്ന പരുവം; നല്ല മൂവാണ്ടൻ മാങ്ങ എന്റെ കൂട്ടുകാരൻ കൊണ്ടുവന്നപ്പോ അതുകൊണ്ടാ ഞാൻ ഉണ്ടാക്കിയത്) ഗ്രേറ്റ് ചെയ്തു എടുക്കുക (തൊലി ചെത്താൻ മറക്കണ്ട)

അരപ്പിനു

1. ഉപ്പു - ആവശ്യത്തിന്
2. കട്ടി തൈര് - ഒരു കപ്പ്
3. മാഗി കോക്കനട്ട് മിൽക്ക് പൗഡർ - നാലു ടേബിൾ സ്പൂൺ
4. കടുക് - അര റ്റീസ്പൂൺ
5. പച്ചമുളക് - രണ്ടു മൂന്നു എണ്ണം (എരിവ് അനുസരിച്ചു - നാട്ടിലെ ഉണ്ടമുളകു ആണെങ്കിൽ രുചി പറയാനില്ല...)
6. ഇഞ്ചി - ഒരു ചെറിയ കഷ്ണം

താളിക്കുന്നതിനു

1. വെളിച്ചെണ്ണ - ഒരു ടേബിൾ സ്പൂൺ
2. കടുക് - അര റ്റീസ്പൂൺ
3. വറ്റൽ മുളക് - രണ്ടെണ്ണം
4. കറിവേപ്പില - ഒരു തണ്ടു

തയ്യാറാക്കുന്ന വിധം

1. അരപ്പിനുള്ള എല്ലാം ചേർത്ത് മിക്സിയിൽ നല്ല വെണ്ണ പോലെ അരച്ചെടുക്കുക;
2. ഈ അരപ്പ് ഗ്രേറ്റ് ചെയ്തു വച്ചിരിക്കുന്ന നല്ല മൂത്ത മാങ്ങയിലേക്കു ചേർത്ത് നന്നായി ഇളക്കി യോജിപ്പിച്ചു ആവശ്യമെങ്കിൽ അല്പം ഉപ്പും തൈരും ചെക്കാവുന്നതാണ്
3. ഒരു ചെറിയ പാൻ അടുപ്പിൽ വച്ച് ചൂടാകുമ്പോൾ ഒരു ടേബിൾ സ്പൂൺ വെളിച്ചെണ്ണ ഒഴിച്ച് കടുകും, വറ്റൽമുളകും കറിവേപ്പിലയും പൊട്ടിച്ചു ഈ മാങ്ങാ കൂട്ടിനു മുകളിൽ ഒഴിക്കുക.
   പച്ചമാങ്ങാ പച്ചടി റെഡി...

ആവശ്യമുള്ള ചേരുവകകൾ: (10 പേർക്ക് സദ്യക്ക് വിളമ്പുന്നതിനു)

1. ബീറ്റ്റൂട്ട് തൊലികളഞ്ഞു ഗ്രേറ്റ് ചെയ്തത് - ഒന്നര കപ്പ് (2 ചെറിയ ബീറ്റ്റൂട്ട്)
2. പച്ചമുളക് കനം കുറച്ചു ചെരിച്ചു ചെറുതായി അരിഞ്ഞത് - 8 എണ്ണം (എരിവ് അനുസരിച്ചു; എരിവിനായി മറ്റൊന്നും ചേർക്കുന്നില്ല)
3. സവാള ചെറിയ ചതുരക്കഷ്ണങ്ങൾ ആയി മുറിച്ചത് - അര കപ്പ് (ഒരു മീഡിയം വലുപ്പമുള്ളതു)
4. മഞ്ഞൾ പൊടി - കാൽ റ്റീസ്പൂൺ
5. ഉപ്പു - ആവശ്യത്തിന്
6. മീഡിയം പുളിയുള്ള കട്ട തൈര് നന്നായി കട്ടയില്ലാതെ ഉടച്ചു എടുത്തത് - ഒരു കപ്പ്
7. കടുക് - ഒന്നര റ്റീസ്പൂൺ
8. വെളിച്ചെണ്ണ - ആവശ്യത്തിന്
9. കറിവേപ്പില - ഒരു തണ്ടു

തയ്യാറാക്കുന്ന വിധം

1. ഒരു ചീനച്ചട്ടിയിൽ വെളിച്ചെണ്ണ ഒഴിച്ച് ചൂടാകുമ്പോൾ ബീറ്റ്റൂട്ട് ഗ്രേറ്റ് ചെയ്തതും പച്ചമുളകും സവാളയും കൂടി ഒരുമിച്ചു ഇട്ടു അല്പം ഉപ്പു ചേർത്ത് തുറന്നു വച്ചു മീഡിയം തീയിൽ പച്ചമണം പൂർണമായും പോകുന്നതുവരെ നന്നായി വഴറ്റിയെടുക്കുക; തീ ഓഫ് ചെയ്തു വഴറ്റിയതിൽ പകുതിയെടുത്തു മിക്സിയിൽ 2 ടേബിൾസ്പൂൺ തൈരും അര റ്റീസ്പൂൺ കടുകും ചേർത്ത് നന്നായി അരച്ചെടുക്കുക; (അരച്ച കടുകിന്റെ മണമാണ് കിച്ചടിയുടെ സ്വാദും മണവും)
2. വീണ്ടും അടുപ്പുകത്തിച്ചു അരക്കാത്ത വഴറ്റിക്കൊണ്ടിരിക്കുന്ന ബീറ്റ്റൂട്ട് കൂട്ടിലേക്ക്‌ അരച്ച ഭാഗം ചേർത്ത് നന്നായി യോജിപ്പിച്ചു അല്പം മഞ്ഞൾ പൊടി ചേർത്ത് ഉപ്പു നോക്കി നന്നായി വഴറ്റി വറ്റി വരുമ്പോൾ തീ ഓഫ് ചെയ്യുക; അതിലേക്കു ഉടച്ചു വച്ച തൈര് ചേർത്ത് നന്നായി ഇളക്കി യോജിപ്പിക്കുക; ഒരു അഞ്ചു മിനിറ്റ് കയ്യെടുക്കാതെ ഇളക്കിയത് ആണ് തൈര് പിരിയാതെ ഇരിക്കുള്ളൂ; ഉപ്പു നോക്കി പാകപ്പെടുത്തുക;
3. ഒരു ചെറിയ പാനിൽ വെളിച്ചെണ്ണ ഒഴിച്ച് ചൂടാകുമ്പോൾ ബാക്കിയുള്ള കടുക് പൊട്ടിച്ചു കറിവേപ്പില പൊട്ടിച്ചു താളിച്ചു ഒഴിച്ചാൽ നല്ല ബംഗിയും സ്വാദും ഉള്ള ബീറ്റ്റൂട്ട് കിച്ചടി റെഡി;