ആവശ്യമുള്ള സാധനങ്ങൾ

1. ചേന 1 കപ്പ്
2. അരിപൊടി 1ടേബിൾ സ്പൂൺ
3. പച്ചമുളക് 2 എണ്ണം
4. വാഴക്കൂമ്പ് ഗ്രേറ്റ് ചെയ്തത് 1/2 കപ്പ്‌
5. ചുവന്നുള്ളി 5എണ്ണം
6. ഇഞ്ചി 1/2 ടീ സ്പൂൺ
7. കറിവേപ്പില 1/2 ടീസ്പൂൺ
8. തക്കോലം 1
9. കറുകപ്പട്ട 1കഷ്ണം
10. ഗ്രാമ്പൂ 4എണ്ണം
11. തിപ്പലി 4എണ്ണം
12. കുരുമുളക് 1/2ടീ സ്പൂൺ
13. ജാതിക്കപൊടി 2നുള്ള്
14. മഞ്ഞൾ പൊടി, ഉപ്പ് ആവശ്യത്തിന്
15. കട്ടിക്ക് കലക്കിയ മാഗി കോക്കനട് മിൽക്ക് 2കപ്പ്‌
16. മധുരകിഴങ്ങു 2എണ്ണം.

തയ്യാറാക്കുന്ന വിധം ഒരു പാത്രത്തിൽ ഒരു സ്പൂൺ വെളിച്ചെണ്ണ ഒഴിച്ച് ചൂടാകുമ്പോൾ അരിഞ്ഞു വച്ചിരിക്കുന്ന വാഴക്കൂമ്പും ചെറിയ ഉള്ളിയും ചേർത്ത് നന്നായി വഴറ്റുക ഇതിലേക്ക് അല്പം മഞ്ഞൾപൊടിയും ഉപ്പും ചേർക്കാം, വാഴക്കൂമ്പ് വെള്ളം വറ്റി നന്നായി വെന്ത് പാകമാകുമ്പോൾ തീ അണയ്ക്കുക. കഴുകി വൃത്തിയാക്കിയ ചേന ചെറിയ കഷണങ്ങൾ ആക്കി നുറുക്കുക ഇതിലേക്ക് 2 പച്ചമുളക് ചേർത്ത് നന്നായി അരച്ചെടുക്കുക. അരച്ചെടുത്ത ചേനയിലേക്കു വഴറ്റി വച്ചിരിക്കുന്ന വാഴക്കൂമ്പും ഒരു ടേബിൾ സ്പൂൺ അരിപ്പൊടിയും ചെറുതായി അരിഞ്ഞ കറിവേപ്പിലയും ഇഞ്ചിയും ഒരു നുള്ള് ജീരകവും ആവശ്യത്തിന് ഉപ്പും ചേർത്ത് കുഴച്ചെടുക്കുക. ഒരു ചീനച്ചട്ടിയിൽ എണ്ണ ഒഴിച്ച് ചൂടാകുമ്പോൾ തയാറാക്കി വച്ചിരിക്കുന്ന ചേന മിശ്രിതം ഉപയോഗിച്ച് ചെറു വടകൾ ഉണ്ടാക്കി മാറ്റിവയ്ക്കാം. കഴുകി വൃത്തിയാക്കി ചെറുകഷ്ണങ്ങൾ ആക്കിയ മധുരകിഴങ്ങു ഒരു സ്പൂൺ വെളിച്ചെണ്ണ ഒഴിച്ച് വഴറ്റുക ഇതിലേക്ക് 2മഞ്ഞളിന്റെ ഇലയും ആവശ്യത്തിന് വെള്ളവും ഉപ്പും ചേർത്ത് വേവിക്കുക, തുടർന്ന് മഞ്ഞൾ ഇല എടുത്തു മാറ്റുക ഇതിലേക്ക് കട്ടിയുള്ള 1കപ്പ്‌ മാഗി കോക്കനട് മിൽക്ക് ചേർക്കുക, ശേഷം 8-14 ചേരുവകൾ എല്ലാംകൂടി പൊടിച്ചു ചേർക്കുക 1/2 ടീ സ്പൂൺ ഗരം മസാലയും ചേർക്കുക, നന്നായി വെന്ത് കുറുകുമ്പോൾ ബാക്കിയുള്ള മാഗി കോക്കനട് മിൽക്ക് ചേർക്കാം. ശേഷം തയാറാക്കി വച്ചിരിക്കുന്ന വടകൾ ചേർക്കാം 5മിനുട്ട് കൂടി വേവിച്ച ശേഷം വാങ്ങിവച്ചു കടുക് താളിക്കുക.