ആവശ്യമുള്ള സാധനങ്ങൾ
- പനീർ – 100 ഗ്രാം
- കടച്ചക്ക (ചെറിയ കഷ്ണങ്ങളാക്കിയത്) – 2 കപ്പ്
- മുതിര – 1/4 കപ്പ്
- മഞ്ഞൾപ്പൊടി – 1/2 ടീസ്പൂൺ
- ജീരകം – 1/2 ടീസ്പൂൺ
- കാന്താരി മുളക് – 3 എണ്ണം
- വെളുത്തുള്ളി – 2 അല്ലി
- മാഗി കോക്കനട്ട് മിൽക്ക് പൗഡർ – 3 ടേബിൾ സ്പൂൺ
- ഉപ്പ് – പാകത്തിന്
- കുരുമുളക് പൊടി – 1/2 ടീസ്പൂൺ
- കടുക് – 1/2 ടീസ്പൂൺ
- വറ്റൽ മുളക് – 4 എണ്ണം
- കറിവേപ്പില – 2 തണ്ട്
- എണ്ണ – 2 ടേബിൾ സ്പൂണ്‍
തയ്യാറാക്കുന്ന വിധം
മുതിര 6 മണിക്കൂർ വെള്ളത്തിൽ കുതിർത്ത ശേഷം പാകത്തിന് വെള്ളവും ഉപ്പും ചേർത്ത് വേവിച്ചു മാറ്റിവയ്ക്കുക. കടച്ചക്ക കഷ്ണങ്ങളാക്കിയതും മഞ്ഞൾപൊടിയും ഉപ്പും അൽപം വെള്ളവും ചേർത്ത് വേവിക്കുക. ഏകദേശം വെന്ത് കഴിയുമ്പോൾ അഞ്ചാമത്തെ ചേരുവകൾ ചതച്ച് ചേർത്ത് വീണ്ടും നന്നായി വേവിച്ച് ഉടയ്ക്കുക. ഇതിലേക്ക് ഒരു കപ്പ് ഇളം ചൂടുള്ള വെള്ളത്തിൽ കലക്കിയ മാഗി കോക്കനട്ട് മിൽക്ക് പൗഡറും വേവിച്ച മുതിരയും ചേർത്ത് തിളപ്പിച്ച് കുറുകിയ പാകത്തിന് അടുപ്പിൽ നിന്നും മാറ്റുക. പനീർ അല്പം ഉപ്പും കുരുമുളക് പൊടിയും ചേർത്ത് കൈ കൊണ്ട് പൊടിച്ച് വെക്കുക. ഒരു പാൻ ചൂടാക്കി എണ്ണ ഒഴിച്ച് കടുക്, കറിവേപ്പില, വറ്റൽമുളക് എന്നിവ താളിച്ച് പനീർ പൊടിച്ചതു ചേർത്ത് ബ്രൗൺ നിറത്തിൽ മൂപ്പിച്ച് എരിശ്ശേരിയിൽ ചേർക്കുക.