ആവശ്യമുള്ള സാധനങ്ങൾ

1. ചേന – ½ കിലോ
2. നേന്ത്രക്കായ – 2 എണ്ണം
3. കുരുമുളകു പൊടി – 1 ½ സ്പൂൺ
4. മഞ്ഞൾ പൊടി – ½ സ്പൂൺ
5. പച്ചമുളക് – 4 എണ്ണം
6. ജീരകം – ½ സ്പൂൺ
7. തൈര് പുളിയുള്ളത് – 1 ½ ഗ്ലാസ്
8. കോക്കനട്ട് പൗഡർ – 200 ഗ്രാം
9. വറ്റൽ മുളക് – 5 എണ്ണം
10. കടുക് – 2 സ്പൂൺ
11. കറിവേപ്പില – കുറച്ച്
12. നെയ്യ് – 1 ½ സ്പൂൺ
13. ശർക്കര – 1 എണ്ണം
14. എണ്ണ – 2 സ്പൂൺ

തയ്യാറാക്കുന്ന വിധം കുരുമുളകു പൊടി ഒരു ഗ്ലാസ് വെള്ളത്തിൽ കലക്കി വയ്ക്കു ക. ചേന, ചതുരത്തിൽ മുറിച്ചു വയ്ക്കണം. കായ തൊലി കളഞ്ഞു മുറിച്ചു വെയ്ക്കണം. വെള്ളത്തിലിട്ടു വെച്ച കുരു മുളകു പൊടിയിലെ തെളിഞ്ഞ വെള്ളം ഒരു പാനിലേ ക്കൊഴിക്കുക. കറിവേപ്പിലയും ചേർത്ത് ചേന വേവിക്കുക. മുക്കാൽ ഭാഗം വെന്തു കഴിഞ്ഞാൽ കായ ചേർക്കുക. മുക്കാൽ ഭാഗം വെന്താൽ ഉപ്പു ചേർത്ത് വെള്ളം വറ്റിച്ചെടുക്കുക. അതിനുശേഷം 2 സ്പൂൺ നെയ്യ് ചേർത്ത് വരട്ടുക. ഒരു കഷണം ശർക്കരയും ചേർത്ത് നന്നായി വരട്ടിയതിനു ശേഷം തൈര് ചേർക്കുക. തിളച്ചു കുറുകി വരുമ്പോൾ തേങ്ങാ പൗഡറിൽ മുക്കാൽ ഭാഗമെടുത്ത് പച്ചമുളക് അരച്ചതും, മഞ്ഞളും കൂടി പാനിലെ കൂട്ടിലേക്ക് ചേർക്കുക. തിളച്ചു കുറുകുമ്പോൾ ബാക്കിയുള്ള തേങ്ങാപൗഡറിൽ ജീരകം അരച്ചതും ചേർത്ത് അതിലേക്കൊഴിക്കുക. നന്നായി തിളച്ചാൽ കറിവേപ്പില ചേർത്ത് വാങ്ങി വയ്ക്കണം. ഒരു പാനിൽ കുറച്ചു എണ്ണയൊഴിച്ചു കടുകും, മുളകും, ഉലുവയും, കറിവേപ്പിലയും പൊട്ടിച്ചു കാളനിൽ ചേർക്കുക. കാളൻ തയ്യാർ