തലസ്ഥാന നഗരത്തെ ആവേശത്തേരിലേറ്റി ‘നിസാൻ മാഗ്നൈറ്റ് മഹാബലി @ ഹോം’

തലസ്ഥാന ജില്ലയെ ആവേശത്തിലാറാടിച്ച് മനോരമ ഓൺലൈനും നിസാനും സംയുക്തമായി അവതരിപ്പിക്കുന്ന ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ. അടുത്തിടെ നിസാൻ മാഗ്‍നൈറ്റ് കാറുകൾ വാങ്ങിയവരുടെ വീടുകളിൽ ഓണക്കാലത്ത് മഹാബലിയും സംഘവും ആട്ടവും പാട്ടും സമ്മാനങ്ങളുമായി എത്തുകയായിരുന്നു. കോഴിക്കോട്, തൃശൂർ ജില്ലകളിലെ റോഡ് ഷോയ്ക്കു ശേഷമാണ് തിരുവനന്തപുരത്തേക്കം മഹാബലിയും സംഘവും എത്തുന്നത്. ആദ്യ ദിനം തന്നെ തിരുവനന്തപുരത്ത് വലിയ സ്വീകരണമാണ് ലഭിച്ചത്. കഴക്കൂട്ടത്തെ ജിത്ത്, പ്രസൂൽ എന്നിവരുടെ വീടുകളും കുമാരപുരത്തെ മനോജ്, വെള്ളയാണിയിലെ വിഷ്ണു എന്നിവരുടെ കുടുംബങ്ങളെയാണ് ഒറ്റ ദിവസം സന്ദർശിച്ചത്.

ജില്ലയിലെ തിരഞ്ഞെടുത്ത വീടുകളിലാണ് മാവേലിയും സംഘവും ഓണസമ്മാനങ്ങളും കളികളുമായി എത്തിയത്. അടുത്തിടെ നിസാൻ മാഗ്‍നൈറ്റ് കാറുകൾ വാങ്ങിയവരുടെ വീടുകളിൽ ഈ ഓണക്കാലത്ത് മഹാബലി നേരിട്ടെത്തുകയായിരുന്നു. ഇതിന്റെ ഭാഗമായി ഇന്നു സന്ദർശനം നടത്തിയ സ്ഥലങ്ങളിൽ മഹാബലി താക്കോൽ കൈമാറുകയും സമ്മാനങ്ങൾ നൽകുകയും ചെയ്തു. കാർ സ്വന്തമാക്കിയവർക്കും അവരുടെ പ്രിയപ്പെട്ടവർക്കും ഒപ്പം ആഘോഷവും നടന്നു. ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോയുടെ ഭാഗമായി നടന്ന പരിപാടികളും കളികളും എല്ലാവരെയും സന്തോഷത്തിലാഴ്ത്തി.

പ്രത്യേക വാഹനത്തിലെത്തിയ മാവേലി ചെണ്ടമേളത്തിന്റെ അകമ്പടിയോടെ ഓലക്കുടയും ചൂടി വീടുകളിലേക്കെത്തി. ചുറ്റുമുള്ളവരിൽ പലരും ആവേശത്തോടെ മാവേലിയെ അഭിവാദ്യം ചെയ്തു. കുട്ടികളിൽ പലരുടെയും മുഖത്ത് കൗതുകമായിരുന്നു. തുടർന്ന് വാഹനം വാങ്ങിയ വ്യക്തിയുമായും അദ്ദേഹത്തിന്റെ കുടുംബവുമായും സംസാരിച്ചു. താക്കോൽ കൈമാറുകയും ഓണസമ്മാനങ്ങൾ നൽകുകയും ചെയ്തു. തുടർന്ന് അവിടെ കൂടിയിരിക്കുന്നവർക്കായി വിവിധ കളികളിൽ നടത്തുകയും ചെയ്തു. വിജയികളായവർക്ക് മാവേലി സമ്മാനം നൽകുകയും ചെയ്തു.

നാളെ (വ്യാഴം)യും ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ തലസ്ഥാന ജില്ലയായ തിരുവനന്തപുരത്താണ്. നിസാൻ ഷോറൂമിൽ നടക്കുന്ന ചടങ്ങിൽ പ്രശസ്ത സിനിമാ താരവും നർത്തകിയും മോഡലുമായ മാളവിക ശ്രീനാഥ് പങ്കെടുക്കുകയും പുതിയ മാഗ്‍നൈറ്റ് സ്വന്തമാക്കുന്നവർക്ക് മഹാബലിക്കൊപ്പം താക്കോൽ കൈമാറുകയും ചെയ്യും. 18, 19, 20, 21 തീയതികളിൽ കൊച്ചിയിലാണ് ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ.