20 മാഗ്നൈറ്റ് കാറുകൾക്ക് ഒരുമിച്ച് ഡെലിവറി; തിരുവനന്തപുരത്ത് തരംഗമായി ‘നിസാൻ മാഗ്നൈറ്റ് മഹാബലി @ ഹോം’
മനോരമ ഓൺലൈനും നിസാനും സംയുക്തമായി അവതരിപ്പിക്കുന്ന ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോയെ ഇരുകൈയ്യും നീട്ടി സ്വീകരിച്ച് തിരുവനന്തപുരം. മരിക്കാർ നിസാൻ ഷോറൂമിൽ നടന്ന ചടങ്ങിൽ പ്രശസ്ത സിനിമാ താരവും നർത്തകിയും മോഡലുമായ മാളവിക ശ്രീനാഥും മഹാബലിയും ചേർന്ന് ഇരുപതോളം കുടുംബങ്ങൾക്ക് പുതിയ മാഗ്നൈറ്റ് കാറിന്റെ താക്കോൽ നൽകി. ഓണക്കാലത്തു തന്നെ പുതിയ യാത്ര ആരംഭിക്കാൻ സാധിച്ചതിന്റെ സന്തോഷത്തിലായിരുന്നു കുടുംബങ്ങൾ. ഓണസമ്മാനവും ആശംസകളും നൽകിയാണ് മഹാബലി കുടുംബങ്ങളെ യാത്രയാക്കിയത്. നിസാൻ ഇന്ത്യ മാർക്കറ്റിങ് പ്രതിനിധി കുശാൽ, എഎസ്എം പ്രജിത്ത്, മരിക്കാർ നിസാനിലെ ജീവനക്കാർ തുടങ്ങിവയർ പങ്കെടുത്തു. കോഴിക്കോട്, തൃശൂർ ജില്ലകളിലെ റോഡ് ഷോയ്ക്കു ശേഷമാണ് തിരുവനന്തപുരത്തേക്ക് മഹാബലിയും സംഘവും എത്തിയത്.
ഷോറൂമിലെ പരിപാടിക്കു ശേഷം അടുത്തിടെ നിസാൻ മാഗ്നൈറ്റ് കാറുകൾ വാങ്ങിയ ലിറ്റി ജോൺ, ഗിരീഷ് എന്നിവരുടെ വീടുകളിൽ മാളവികയും മഹാബലിയും ഉൾപ്പെടെയുള്ളവർ ആട്ടവും പാട്ടും സമ്മാനങ്ങളുമായി എത്തി. ജില്ലയിലെ തിരഞ്ഞെടുത്ത വീടുകളിലാണ് മാവേലിയും സംഘവും ഓണസമ്മാനങ്ങളും കളികളുമായി എത്തിയത്. ഇതിന്റെ ഭാഗമായി ഇന്നു സന്ദർശനം നടത്തിയ സ്ഥലങ്ങളിൽ മഹാബലി താക്കോൽ കൈമാറുകയും സമ്മാനങ്ങൾ നൽകുകയും ചെയ്തു. കാർ സ്വന്തമാക്കിയവർക്കും അവരുടെ പ്രിയപ്പെട്ടവർക്കും ഒപ്പം ആഘോഷവും നടന്നു. ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോയുടെ ഭാഗമായി നടന്ന പരിപാടികളും കളികളും സെലിബ്രിറ്റിയുടെ വരവുമെല്ലാം എല്ലാവരുടെയും ഹൃദയം നിറച്ചു.
അലങ്കരിച്ച പ്രത്യേക വാഹനത്തിലെത്തിയ മാവേലി ചെണ്ടമേളത്തിന്റെ അകമ്പടിയോടെ ഓലക്കുടയും ചൂടി വീടുകളിലേക്കെത്തി. കൈവീശിക്കാണിച്ചും ഹസ്തദാനം നടത്തിയും കുടുംബങ്ങൾ മഹാബലിയെയും സംഘത്തെയും വരവേറ്റു. കുട്ടികളിൽ പലരുടെയും മുഖത്ത് കൗതുകമായിരുന്നു. തുടർന്ന് വാഹനം വാങ്ങിയ വ്യക്തിയുമായും അദ്ദേഹത്തിന്റെ കുടുംബവുമായും സംസാരിച്ചു. താക്കോൽ കൈമാറുകയും ഓണസമ്മാനങ്ങൾ നൽകുകയും ചെയ്തു. തുടർന്ന് അവിടെ കൂടിയിരിക്കുന്നവർക്കായി വിവിധ കളികളിൽ നടത്തുകയും ചെയ്തു. വിജയികളായവർക്ക് മാവേലി സമ്മാനം നൽകുകയും ചെയ്തു. ഈ ഓണക്കാലത്ത് മഹാബലിയെത്തിയത് വലിയ സന്തോഷം നൽകുന്ന കാര്യമാണെന്നാണ് ജനങ്ങളുടെ പ്രതികരണം.
നാളെ മുതൽ 21 വരെ ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ കൊച്ചിയിലാണ്. പരിപാടി നടന്ന നഗരങ്ങളിലെല്ലാം റോഡ് ഷോയ്ക്ക് വലിയ സ്വീകാര്യതയാണ് ലഭിച്ചത്. പലരും പരിപാടിയുടെ വിശദവിവരങ്ങൾ ചോദിച്ചറിയുകയും സന്തോഷം പങ്കുവയ്ക്കുകയും ചെയ്തു. തുടർന്നും ഇത്തരം പരിപാടികൾ സംഘടിപ്പിക്കണമെന്നു അഭിപ്രായപ്പെട്ടവരും ഏറെ.