പൂരങ്ങളുടെ നാട്ടിൽ ഓണവെടിക്കെട്ടുമായി ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ
പൂരങ്ങളുടെയും പുലികളിയുടെയും നാടായ തൃശൂരിനെ ആവേശത്തിലാഴ്ത്തി മനോരമ ഓൺലൈനും നിസാനും സംയുക്തമായി അവതരിപ്പിക്കുന്ന ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ. പോയകാലത്തിന്റെ ഓർമകളുമായെത്തുന്ന മാവേലി മന്നനും സംഘവും വീടുകളിലെത്തിയപ്പോൾ ഇരുകൈയ്യും നീട്ടിയാണ് ജനങ്ങൾ സ്വീകരിച്ചത്. ജില്ലയിലെ തിരഞ്ഞെടുത്ത വീടുകളിലാണ് മാവേലിയും സംഘവും ഓണസമ്മാനങ്ങളും കളികളുമായി എത്തിയത്.
പുതിയ മാഗ്നൈറ്റ് സ്വന്തമാക്കുന്ന തിരഞ്ഞെടുക്കപ്പെട്ടവർക്ക് നിസാൻ ഷോറുമുകളിൽ മഹാബലിയും സെലിബ്രിറ്റിയും ചേർന്ന് താക്കോൽ കൈമാറുകയും അടുത്തിടെ നിസാൻ മാഗ്നൈറ്റ് കാറുകൾ വാങ്ങിയവരുടെ വീടുകളിൽ ഈ ഓണക്കാലത്ത് മഹാബലി നേരിട്ടെത്തുകയും ചെയ്യുന്നത് പരിപാടി. ഇതിന്റെ ഭാഗമായി ഇന്നു സന്ദർശനം നടത്തിയ സ്ഥലങ്ങളിൽ മഹാബലി അനുഗ്രഹവും ആശംസകളും നേർന്നു. കാർ സ്വന്തമാക്കിയവർക്കും അവരുടെ പ്രിയപ്പെട്ടവർക്കും ഒപ്പം ആഘോഷവും നടന്നു.
നിസാൻ മാഗ്നൈറ്റ് കാർ സ്വന്തമാക്കിയവർക്ക് മഹാബലി താക്കോലും വിവിധ സമ്മാനങ്ങളും നൽകി പുത്തൻ യാത്രയ്ക്ക് ആശംസകളേകി. ജില്ലയിലെ അഞ്ചിടങ്ങളിലാണ് മഹാബലിയും സംഘവും ആട്ടവും പാട്ടും കളികളുമായി സന്ദർശിച്ചത്. രാമവർമപുരത്തെ എഡ്‍‌വിൻ, ചിറ്റിലപള്ളിയിലെ സുനിൽ, സിറ്റി സെന്ററിലെ ഗോപിക എന്നിവരുടെ വീടുകളിലും കുട്ടനെല്ലൂരിലെ രാഹുൽ എന്നിവരെയും കുടുംബത്തെയും തേടിയാണ് മഹാബലിയും സംഘവും ഇന്നെത്തിയത്. നാളെയും (ചൊവ്വ) ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ തൃശൂർ ജില്ലയിൽ തന്നെയാണ്. തൃശൂർ നിസാൻ ഷോറൂമിൽ നടക്കുന്ന ചടങ്ങിൽ പ്രശസ്ത സിനിമാ താരവും നർത്തകിയും മോഡലുമായ മാളവിക ശ്രീനാഥ് പങ്കെടുക്കുകയും പുതിയ മാഗ്നൈറ്റ് സ്വന്തമാക്കുന്നവർക്ക് മഹാബലിക്കൊപ്പം താക്കോൽ കൈമാറുകയും ചെയ്യും.
പ്രത്യേക വാഹനത്തിലെത്തിയ മാവേലി ചെണ്ടമേളത്തിന്റെ അകമ്പടിയോടെ ഓലക്കുടയും ചൂടി വീടുകളിലേക്കെത്തി. ചുറ്റുമുള്ളവരിൽ പലരും ആവേശത്തോടെ മാവേലിയെ അഭിവാദ്യം ചെയ്തു. കുട്ടികളിൽ പലരുടെയും മുഖത്ത് കൗതുകമായിരുന്നു. തുടർന്ന് വാഹനം വാങ്ങിയ വ്യക്തിയുമായും അദ്ദേഹത്തിന്റെ കുടുംബവുമായും സംസാരിച്ചു. താക്കോൽ കൈമാറുകയും ഓണസമ്മാനങ്ങൾ നൽകുകയും ചെയ്തു. തുടർന്ന് അവിടെ കൂടിയിരിക്കുന്നവർക്കായി വിവിധ കളികളിൽ നടത്തുകയും ചെയ്തു. വിജയികളായവർക്ക് മാവേലി സമ്മാനം നൽകുകയും ചെയ്തു.
16, 17 തീയതികളിൽ തിരുവനന്തപുരം, 18, 19, 20, 21 തീയതികളിൽ കൊച്ചി എന്നിവിടങ്ങളിലാണ് ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ.