20 കാറുകൾക്ക് ഒരുമിച്ച് ഡെലിവറി; തൃശൂരിൽ ആഘോഷമായി ‘നിസാൻ മാഗ്നൈറ്റ് മഹാബലി @ ഹോം’
സ്വാതന്ത്ര്യദിനത്തിൽ നിസാൻ തൃശൂർ പിനാക്കിൾ മോട്ടോർ വർക്ക്സിൽ നിന്നും ഒറ്റ ദിവസം ‘സ്വാതന്ത്ര്യം’ നേടി റോഡുകളിലേക്ക് ഇറങ്ങിയത് 20 നിസാൻ മാഗ്നൈറ്റ് കാറുകൾ. മനോരമ ഓൺലൈനും നിസാനും സംയുക്തമായി അവതരിപ്പിക്കുന്ന ‘നിസാൻ മാഗ്നൈറ്റ് മഹാബലി @ ഹോം’ പരിപാടിയുടെ ഭാഗമായാണ് ഡെലിവറി നടന്നത്. പ്രശസ്ത സിനിമാ താരവും മോഡലും നർത്തകിയുമായ മാളവിക ശ്രീനാഥും മഹാബലിയും ചേർന്ന് താക്കോലുകൾ വിതരണം ചെയ്തു. പുതിയ 20 കുടുംബങ്ങളാണ് ഓണയാത്രകൾ ആഘോഷമാക്കാൻ മാഗ്നൈറ്റ് സ്വന്തമാക്കിയത്. ചെണ്ടമേളത്തിന്റെയും ഗെയിമുകളുടെയും അകമ്പടിയും ഉണ്ടായിരുന്നു.
‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോയ്ക്ക് തൃശൂർ ജില്ല വലിയ പിന്തുണയാണ് നൽകുന്നത്. ഇന്ന് രണ്ടു കുടുംബങ്ങളെ കൂടി മഹാബലിയും സംഘവും വീടുകളിലെത്തി സന്ദർശിച്ചു. ജില്ലയിലെ തിരഞ്ഞെടുത്ത വീടുകളിലാണ് മാവേലിയും സംഘവും ഓണസമ്മാനങ്ങളും കളികളുമായി എത്തിയത്. അടുത്തിടെ നിസാൻ മാഗ്നൈറ്റ് കാറുകൾ വാങ്ങിയവരുടെ വീടുകളിൽ ഈ ഓണക്കാലത്ത് മഹാബലി നേരിട്ടെത്തുകയായിരുന്നു. ഇതിന്റെ ഭാഗമായി ഇന്നു സന്ദർശനം നടത്തിയ സ്ഥലങ്ങളിൽ മഹാബലി അനുഗ്രഹവും ആശംസകളും നേർന്നു. കാർ സ്വന്തമാക്കിയവർക്കും അവരുടെ പ്രിയപ്പെട്ടവർക്കും ഒപ്പം ആഘോഷവും നടന്നു.
നിസാൻ മാഗ്നൈറ്റ് കാർ സ്വന്തമാക്കിയവർക്ക് മഹാബലി താക്കോലും വിവിധ സമ്മാനങ്ങളും നൽകി പുത്തൻ യാത്രയ്ക്ക് ആശംസകളേകി. കണിമംഗലത്തെ ജിതിൻ, മുതുവാടിയിലെ ആന്റോ എന്നിവരുടെ കുടുംബങ്ങളെയാണ് മഹാബലിയും സംഘവും ആട്ടവും പാട്ടും കളികളുമായി ഇന്നു സന്ദർശിച്ചത്. ആഘോഷമായ പരിപാടികളും കളികളും എല്ലാവരെയും സന്തോഷത്തിലാഴ്ത്തി.
പ്രത്യേക വാഹനത്തിലെത്തിയ മാവേലി ചെണ്ടമേളത്തിന്റെ അകമ്പടിയോടെ ഓലക്കുടയും ചൂടി വീടുകളിലേക്കെത്തി. ചുറ്റുമുള്ളവരിൽ പലരും ആവേശത്തോടെ മാവേലിയെ അഭിവാദ്യം ചെയ്തു. കുട്ടികളിൽ പലരുടെയും മുഖത്ത് കൗതുകമായിരുന്നു. തുടർന്ന് വാഹനം വാങ്ങിയ വ്യക്തിയുമായും അദ്ദേഹത്തിന്റെ കുടുംബവുമായും സംസാരിച്ചു. താക്കോൽ കൈമാറുകയും ഓണസമ്മാനങ്ങൾ നൽകുകയും ചെയ്തു. തുടർന്ന് അവിടെ കൂടിയിരിക്കുന്നവർക്കായി വിവിധ കളികളിൽ നടത്തുകയും ചെയ്തു. വിജയികളായവർക്ക് മാവേലി സമ്മാനം നൽകുകയും ചെയ്തു.
നാളെ (ബുധൻ) ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ തലസ്ഥാന ജില്ലയായ തിരുവനന്തപുരത്താണ്. രണ്ടു ദിവസം ഇവിടെ പരിപാടി നടക്കും. ജില്ലയിലെ അഞ്ചു വീടുകളിൽ മഹാബലിയും സംഘവും നേരിട്ടെത്തി ഓണസമ്മാനങ്ങളും പുതിയ വാഹനത്തിന്റെ താക്കോലും കൈമാറും. 18, 19, 20, 21 തീയതികളിൽ കൊച്ചിയിലാണ് ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ.