‘നിസാൻ മാഗ്‌നൈറ്റ് മഹാബലി @ ഹോം’: കോഴിക്കോട് ഫ്ലാഗ് ഓഫ് ചെയ്തു

മനോരമ ഓൺലൈനും നിസാനും സംയുക്തമായി അവതരിപ്പിക്കുന്ന ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോയ്ക്ക് കോഴിക്കോട് തുടക്കം. സിനിമാതാരവും മോഡലും നർത്തകിയുമായ മാളവിക ശ്രീനാഥ് അതിഥിയായിരുന്നു. താരവും നിസാൻ പ്രതിനിധികളും ചേർന്ന് ഫ്ലാഗ് ഓഫ് ചെയ്തു. ഓണക്കാലത്ത് നിസാൻ മാഗ്‍നൈറ്റ് സ്വന്തമാക്കിയ മൂന്നു പേർക്ക് മഹാബലിയും മാളവികയും ചേർന്ന് താക്കോൽ കൈമാറി. കൈനിറയെ സമ്മാനങ്ങളുമായാണ് പുതിയ അംഗങ്ങളെ നിസാൻ സ്വാഗതം ചെയ്തത്. ഇവിഎം നിസാൻ കോഴിക്കോട് ബ്രാഞ്ച് സെയിൽസ് മാനേജർ കെ. ശരത്, സർവീസ് ജനറൽ മാനേജർ കെ. രോഹിത് തുടങ്ങിയവർ പ്രസംഗിച്ചു.

മിഥ്യയുടെ മാന്ത്രികതയും സമകാലിക കാലത്തെയും സമന്വയിപ്പിക്കുന്ന ഓണക്കാലത്ത് ഇതൊരു പുതിയ തുടക്കമാണ്. പുതിയ മാഗ്‍നൈറ്റ് സ്വന്തമാക്കുന്ന തിരഞ്ഞെടുത്തവർക്ക് നിസാൻ ഷോറുമുകളിൽ മഹാബലിയും സെലിബ്രിറ്റിയും ചേർന്ന് താക്കോൽ കൈമാറും. കൂടാതെ, അടുത്തിടെ നിസാൻ മാഗ്‍നൈറ്റ് കാറുകൾ വാങ്ങിയവരുടെ വീടുകളിൽ ഈ ഓണക്കാലത്ത് മഹാബലി നേരിട്ടെത്തുന്നതുമാണ് പരിപാടി. മഹാബലി അനുഗ്രഹവും ആശംസകളും നേരും. കാർ സ്വന്തമാക്കിയവർക്കും അവരുടെ പ്രിയപ്പെട്ടവർക്കും ഒപ്പം ആഘോഷവും നടക്കും.

ഓഗസ്റ്റ് 12, 13 തീയതികളിൽ കോഴിക്കോട്, 14, 15 തീയതികളിൽ തൃശൂർ, 16, 17 തീയതികളിൽ തിരുവനന്തപുരം, 18, 19, 20, 21 തീയതികളിൽ കൊച്ചി എന്നിവിടങ്ങളിലാണ് പരിപാടി നടക്കുന്നത്. മാഗ്‌നൈറ്റ് സ്വന്തമാക്കിയവരുടെ പുത്തൻ യാത്രയുടെ തുടക്കത്തിൽ ഒരിക്കലും മറക്കാൻ സാധിക്കാത്ത ഒരു കൂടിച്ചേരലാകുമിത്. ആഘോഷവും ആട്ടവും പാട്ടും കളികളുമായി ഈ ഓണക്കാലം കൂടുതൽ പ്രിയപ്പെട്ടതാക്കുകയും ചെയ്യും.