മച്ചാന്മാരെ, മഹാബലിയിതാ കൊച്ചിയിൽ; ‘നിസാൻ മാഗ്നൈറ്റ് മഹാബലി @ ഹോം’ എറണാകുളത്ത്’
മൂന്നു ജില്ലകളിലെ വിജയകരമായ പര്യടനത്തിനു ശേഷം മനോരമ ഓൺലൈനും നിസാനും സംയുക്തമായി അവതരിപ്പിക്കുന്ന ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോ എറണാകുളത്ത്. അറബിക്കടലിന്റെ റാണിയായ കൊച്ചിയുടെ വിവിധ ഭാഗങ്ങളിലാണ് മഹാബലിയും സംഘവും സന്ദർശനം നടത്തിയത്. പോയകാലത്തിന്റെ ഓർമകളുമായെത്തുന്ന മാവേലി മന്നനും സംഘവും വീടുകളിലെത്തിയപ്പോൾ ഇരുകൈയ്യും നീട്ടിയാണ് ജനങ്ങൾ സ്വീകരിച്ചത്.
അടുത്തിടെ നിസാൻ മാഗ്നൈറ്റ് കാറുകൾ വാങ്ങിയവരുടെ വീടുകളിൽ ഓണക്കാലത്ത് മഹാബലിയും സംഘവും ആട്ടവും പാട്ടും സമ്മാനങ്ങളുമായി എത്തുകയായിരുന്നു. കോഴിക്കോട്, തൃശൂർ, തിരുവനന്തപുരം എന്നിവടങ്ങളിലെ റോഡ് ഷോയ്ക്ക് ശേഷമാണ് മഹാബലിയും സംഘവും കൊച്ചിയിൽ എത്തുന്നത്. ആദ്യ ദിനം തന്നെ എറണാകുളത്ത് വലിയ സ്വീകരണമാണ് ലഭിച്ചത്. പുതിയ മാഗ്നൈറ്റ് സ്വന്തമാക്കുന്ന തിരഞ്ഞെടുക്കപ്പെട്ടവർക്ക് നിസാൻ ഷോറുമുകളിൽ മഹാബലിയും സെലിബ്രിറ്റിയും ചേർന്ന് താക്കോൽ കൈമാറുകയും അടുത്തിടെ നിസാൻ മാഗ്നൈറ്റ് കാറുകൾ വാങ്ങിയവരുടെ വീടുകളിൽ ഈ ഓണക്കാലത്ത് മഹാബലി നേരിട്ടെത്തുകയും ചെയ്യുന്നത് പരിപാടി.
നിസാൻ മാഗ്നൈറ്റ് കാർ സ്വന്തമാക്കിയവർക്ക് മഹാബലി താക്കോലും വിവിധ സമ്മാനങ്ങളും നൽകി പുത്തൻ യാത്രയ്ക്ക് ആശംസകളേകി. ജില്ലയിലെ അഞ്ചിടങ്ങളിലാണ് മഹാബലിയും സംഘവും ആട്ടവും പാട്ടും കളികളുമായി സന്ദർശിച്ചത്. ആലുവയിലെ രാജേഷ്, അത്താണിയിലെ മാർട്ടിൻ, എളമക്കരയിലെ ഉബൈദ്, കാക്കനാട്ടെ വിനോദ്, നമിത എന്നിവരെയും കുടുംബത്തെയും തേടിയാണ് മഹാബലിയും സംഘവും എത്തിയത്. 21വരെ സംഘം കൊച്ചിയിലെ തിരഞ്ഞെടുത്ത വീടുകളിൽ സന്ദർശനം നടത്തും.
പ്രത്യേക വാഹനത്തിലെത്തിയ മാവേലി ചെണ്ടമേളത്തിന്റെ അകമ്പടിയോടെ ഓലക്കുടയും ചൂടി വീടുകളിലേക്കെത്തി. ചുറ്റുമുള്ളവരിൽ പലരും ആവേശത്തോടെ മാവേലിയെ അഭിവാദ്യം ചെയ്തു. കുട്ടികളിൽ പലരുടെയും മുഖത്ത് കൗതുകമായിരുന്നു. തുടർന്ന് വാഹനം വാങ്ങിയ വ്യക്തിയുമായും അദ്ദേഹത്തിന്റെ കുടുംബവുമായും സംസാരിച്ചു. താക്കോൽ കൈമാറുകയും ഓണസമ്മാനങ്ങൾ നൽകുകയും ചെയ്തു. തുടർന്ന് അവിടെ കൂടിയിരിക്കുന്നവർക്കായി വിവിധ കളികളിൽ നടത്തുകയും ചെയ്തു. വിജയികളായവർക്ക് മാവേലി സമ്മാനം നൽകുകയും ചെയ്തു.