കൊച്ചിയിൽ രണ്ടാം ദിനവും ആവേശനം നിറച്ച് ‘നിസാൻ മാഗ്നൈറ്റ് മഹാബലി @ ഹോം’

മനോരമ ഓൺലൈനും നിസാനും സംയുക്തമായി അവതരിപ്പിക്കുന്ന ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോയ്ക്ക് രണ്ടാം ദിനവും കൊച്ചിയിൽ മികച്ച പ്രതികരണം. നിരവധി പുതിയ അംഗങ്ങൾ മാഗ്‍നൈറ്റ് കുടുംബത്തിലേക്ക് എത്തിച്ചേർന്നു. ഇവിഎം നിസാൻ മുട്ടം, ഇവിഎം നിസാൻ നെട്ടൂർ എന്നീ ഷോറൂമുകളിലായിരുന്നു ഇന്നത്തെ പരിപാടി. നിസാൻ മാർക്കറ്റിങ് ഡയറക്ടർ മോഹൻ വിൽസണ്‍ മുഖ്യാതിഥിയായിരുന്നു. ചടങ്ങിൽ പ്രശസ്ത സിനിമാ താരവും നർത്തകിയും മോഡലുമായ മാളവിക ശ്രീനാഥ് പ്രത്യേക അതിഥിയായിരുന്നു. ഷോറൂമുകളിലെ ജീവനക്കാരും പങ്കെടുത്തു.

ഈ ഓണക്കാലത്ത് മഹാബലി ഉൾപ്പെടെയുള്ളവർ ഉള്ള പ്രൗഢഗംഭീരമായ ചടങ്ങിൽ പ്രിയപ്പെട്ടവർക്കൊപ്പം പുതിയ വാഹനം സ്വന്തമാക്കിയതിന്റെ സന്തോഷത്തിലായിരുന്നു ഉപഭോക്താക്കൾ. മഹാബലിയും നടിയും വിശിഷ്ട വ്യക്തികളും ചേർന്ന് നിരവധി കുടുംബങ്ങൾക്ക് ഇന്ന് പുതിയ മാഗ്‍നൈറ്റ് കാറിന്റെ താക്കോൽ നൽകി. ഓണക്കാലത്തു തന്നെ പുതിയ യാത്ര ആരംഭിക്കാൻ സാധിച്ചതിന്റെ സന്തോഷത്തിലായിരുന്നു കുടുംബങ്ങൾ. ഓണസമ്മാനവും ആശംസകളും നൽകിയാണ് മഹാബലി കുടുംബങ്ങളെ യാത്രയാക്കിയത്. കോഴിക്കോട്, തൃശൂർ, തിരുവനന്തപുരം എന്നിവിടങ്ങളിലെ റോഡ് ഷോയ്ക്ക് ശേഷം ഇന്നലെയാണ് സംഘം കൊച്ചിയിൽ എത്തിയത്.

താക്കോൽ ദാനത്തിനുശേഷം ഷോറൂമുകളിൽ വിവിധ പരിപാടികളും നടന്നു. ഷോറൂമിലെ പരിപാടികൾ കൂടാതെ അടുത്തിടെ നിസാൻ മാഗ്‍നൈറ്റ് സ്വന്തമാക്കിയവരുടെ വീടുകളിലും മഹാബലിയും സംഘവും എത്തുന്നതാണ് പരിപാടി. ‘നിസാൻ മാഗ്നൈറ്റ് മഹാബലി @ ഹോം’ റോഡ് ഷോയുടെ ഭാഗമായി നടന്ന പരിപാടികളും കളികളും സെലിബ്രിറ്റിയുടെ വരവുമെല്ലാം എല്ലാവരുടെയും ഹൃദയം നിറച്ചു.

അലങ്കരിച്ച പ്രത്യേക വാഹനത്തിലെത്തിയ മാവേലി ചെണ്ടമേളത്തിന്റെ അകമ്പടിയോടെ ഓലക്കുടയും ചൂടിയാണ് എത്തിയത്. കൈവീശിക്കാണിച്ചും ഹസ്തദാനം നടത്തിയും കുടുംബങ്ങൾ മഹാബലിയെയും സംഘത്തെയും വരവേറ്റു. തുടർന്ന് വാഹനം വാങ്ങിയ വ്യക്തിയുമായും അദ്ദേഹത്തിന്റെ കുടുംബവുമായും സംസാരിച്ചു. താക്കോൽ കൈമാറുകയും ഓണസമ്മാനങ്ങൾ നൽകുകയും ചെയ്തു. തുടർന്ന് അവിടെ കൂടിയിരിക്കുന്നവർക്കായി വിവിധ കളികളിൽ നടത്തുകയും ചെയ്തു. വിജയികളായവർക്ക് മാവേലി സമ്മാനം നൽകുകയും ചെയ്തു. ഈ ഓണക്കാലത്ത് മഹാബലിയെത്തിയത് വലിയ സന്തോഷം നൽകുന്ന കാര്യമാണെന്നാണ് ജനങ്ങളുടെ പ്രതികരണം.