കഴിഞ്ഞ 72 ദിവസങ്ങളായി പാട്ടും വിശേഷങ്ങളുമായി മലയാളികളുടെ പ്രിയഗായകർ ഫെയ്സ്ബുക്ക് ലൈവിലൂടെ ആരാധകരോടു സംവദിക്കുകയായിരുന്നു. കോവിഡ് വ്യാപനം മൂലം തൊഴിൽ നഷ്ടമായ സംഗീത രംഗത്തെ കലാകാരന്മാർക്ക് സാമ്പത്തിക സഹായം നൽകുന്നതിനുള്ള ധനസമാഹരണാർഥമാണ് മലയാളത്തിലെ പിന്നണി ഗായകരുടെ സംഘടനയായ സമം ഈ ഓൺലൈൻ പരിപാടി സംഘടിപ്പിച്ചത്. മുതിർന്ന പിന്നണി ഗായകരായ പി. ജയചന്ദ്രൻ, കെ.എസ്.ചിത്ര. എം. ജി.ശ്രീകുമാർ, മിൻമിനി, ഉണ്ണി മേനോൻ, ലതിക, കൃഷ്ണചന്ദ്രൻ, മാർക്കോസ് തുടങ്ങിയവരും പുതു തലമുറയിലെ എല്ലാ പ്രമുഖ ഗായകരും ലൈവിൽ പങ്കെടുത്തു. ദിവസവും രാത്രി 8 മണി മുതൽ 9 മണി വരെയായിരുന്നു സംഗീത പരിപാടി. ഗായകരുടെ പാട്ടും വിശേഷങ്ങളുമടങ്ങുന്ന വിഡിയോകൾ ഇവിടെ കാണാം