ഇതാ ആ ആറു താരങ്ങൾ
സാന്റാ മോണിക്ക സ്റ്റഡി എബ്രോഡിന്റെ സഹകരണത്തോടെ മലയാള മനോരമ ഒരുക്കുന്ന പുരസ്കാരത്തിന്റെ അന്തിമ പട്ടികയിൽ ഇടം നേടിയത് മലയാളത്തിന്റെ അഭിമാനമായ 6 മിന്നും താരങ്ങൾ. എൽദോസ് പോൾ (അത്‌ലറ്റിക്സ്), ട്രീസ ജോളി (ബാഡ്മിന്റൻ), അബ്ദുല്ല അബൂബക്കർ (അത്‌ലറ്റിക്സ്), സഞ്ജു സാംസൺ (ക്രിക്കറ്റ്), സഹൽ അബ്ദുൽ സമദ് (ഫുട്ബോൾ), എസ്.എൽ.നാരായണൻ (ചെസ്) എന്നിവരാണ് കഴിഞ്ഞ വർഷത്തെ മികച്ച മലയാളി കായികതാരത്തിനുള്ള പുരസ്കാരം നേടാൻ രംഗത്തുള്ളത്. ഒളിംപ്യൻ ടി.സി. യോഹന്നാൻ, കേരള സ്പോർട്സ് കൗൺസിൽ മുൻ പ്രസിഡന്റ് ഒളിംപ്യൻ മേഴ്സി കുട്ടൻ, അർജുന അവാർഡ് ജേതാവായ മുൻ ബാഡ്മിന്റൻ താരം ജോർജ് തോമസ് എന്നിവരുൾപ്പെട്ട സമിതിയാണ് അന്തിമ പട്ടിക തിരഞ്ഞെടുത്തത്. ഒന്നാമതെത്തുന്ന താരം മനോരമ സ്പോർട്സ് സ്റ്റാർ 2022 ട്രോഫിയും 3 ലക്ഷം രൂപയും സ്വന്തമാക്കും. രണ്ടാമതെത്തുന്ന താരത്തിനു ട്രോഫിയും 2 ലക്ഷം രൂപയും മൂന്നാം സ്ഥാനത്തെത്തുന്ന താരത്തിന് ട്രോഫിയും ഒരു ലക്ഷം രൂപയും ലഭിക്കും.
വായനക്കാർക്ക് വോട്ടു ചെയ്യാം, ഒരാൾക്കു വോട്ട് ചെയ്യാവുന്നത് ഒരു താരത്തിനു മാത്രം
- ഒന്നാമതെത്തുന്ന താരത്തിനു മനോരമ സ്പോർട്സ് സ്റ്റാർ – 2022 പുരസ്കാരവും മൂന്നു ലക്ഷം രൂപയും സമ്മാനം.
- രണ്ടും മൂന്നും സ്ഥാനങ്ങളിലെത്തുന്നവർക്കു ട്രോഫിയും യഥാക്രമം രണ്ടു ലക്ഷവും ഒരു ലക്ഷവും വീതം.
- വോട്ടെടുപ്പിൽ പങ്കെടുക്കുന്ന 10 വായനക്കാർക്കു 10,000 രൂപ വീതം സമ്മാനം
