ആയുർവേദ ചികിൽസയുടെ ദൈർഘ്യം

സോറിയാസിനുള്ള ആയുർവേദ ചികിൽസ വളരെ സമഗ്രമാണ്. മൂന്ന് ഘട്ടങ്ങളായാണ് ചികിൽസ. രോഗത്തിന്റെ ശമനത്തിനു മാത്രമല്ല അടിസ്ഥാന കാരണങ്ങളെ പരിഹരിക്കുകയാണ് ആയുർവേദ ചികിൽസയുടെ രീതി. ചിട്ടവട്ടങ്ങൾ ഏറെയുള്ള സമഗ്രമായ ചികിത്സാരീതിയാണ് ഗൗരവമായ സോറിയാസിസ് രോഗത്തിനു ആയുർവേദം നിഷ്കർഷിക്കുന്നത്. രണ്ടു മാസം ദൈർഘ്യമുള്ള ചികിൽസ കൊണ്ട് രോഗത്തിനു ശമനം കിട്ടുമെങ്കിലും തുടർ ചികിൽസ മുടക്കിയാൽ രോഗം വീണ്ടും വരാനിടയുണ്ട്.

അതിപ്രധാനമായ മൂന്നു ഘട്ടങ്ങൾ
പഞ്ചകർമ ചികിത്സകളായ വമനം, വിരേചനം പോലുള്ള ശുദ്ധീകരണ ചികിത്സകളാണ് ഒന്നാം ഘട്ടത്തിലുള്ളത്. രണ്ടാം ഘട്ടത്തിൽ തലപൊതിച്ചിൽ, തക്രധാര തുടങ്ങിയ ചികിൽസകളാണ് ചെയ്യുക. മൂന്നാം ഘട്ടത്തിൽ രസായന ചികിൽസകൾ ചെയ്യുന്നതോടെ രോഗം ശമിക്കാൻ തുടങ്ങുകയും ചെയ്യും.