മറക്കല്ലേ ഈ മഴക്കാലം
രാജീവ് ആലുങ്കൽ
ഓരോയാത്രയും തിരികെ വരാനുള്ളതായിരിയ്ക്കില്ല ചിലപ്പോൾ
ദൂരവേഗങ്ങളിൽ തമ്മിൽ
പിരിഞ്ഞു
കടന്നുപോകേണ്ടവർ നമ്മൾ
പറയുവാനാശിച്ചു കരുതിയ ഹൃദയവും
പാതിവഴിയ്ക്കു മറന്നുപോകാം
പലകുറിതൊട്ടു തലോടാൻ തളിർത്തൊരീ
വിരലുകൾ
ഒരുവേള തളർന്നുപോകാം
ഒരു മാത്ര കണ്ടു പിരിയുന്നതിൻമുൻപ്
പറയുവാൻ
ഇത്രയും മാത്രം
ഇനി നമ്മൾ കാണാതിരുന്നാലുമോർമ്മയിൽ
കരുതണം ഈ മഴക്കാലം...!